ទាហានឈុតខ្មៅថៃចាប់ពលករខ្មែរចំនួន២០នាក់ ដែលចំណាយលុយអោយមេខ្យល់ម្នាក់៩.០០០ បាត……
ប្រទេសថៃ,ខេត្តស្រះកែវ:ពលករខ្មែរចំនួន២០នាក់ត្រូវបានក្រុមទាហានឈុតខ្មៅថៃក្នុងកងរយលេខ១៣០២សហការជាមួយតម្រួតការពារព្រំដែនថៃចាប់ខ្លួនខណ:ដែលពួកគេលបឆ្លងដែនដោយខុសច្បាប់ដើម្បីចូលទឹកដីថៃរកការងារធ្វើ។ការឃាត់ខ្លួននេះបានធ្វើឡើងកាលពីវេលាម៉ោង៣និង៤៥នាទី រសៀលថ្ងៃទី១៦ខែតុលា ឆ្នាំ២០២១ត្រង់ចំណុចបានថាន់ចៃក្នុងភូមិ១ឃុំថាប់ភ្រិកស្រុកអារញ្ញប្រាថេតខេត្តស្រះកែវប្រទេសថៃ។ នៅមុនពេលឃាត់ខ្លួនគឺមានពលករខ្មែរចំនួន២០នាក់បានលបឆ្លងព្រំដែនចូលទៅក្នុងទឹកដីថៃដោយនាំគ្នាដើរកាត់តាមព្រៃក្បែខ្សែបន្ទាត់ព្រំដែន ស្របពេលដែលកម្លាំងទាហានឈុតខ្មៅថៃ កំពុងល្បាតក៏បានស្ទាក់ចាប់ដែលក្នុងនោះប្រុស១៣នាក់និងស្រី៧នាក់។ ក្រោយការចាប់ខ្លួនពលករខ្មែរបានសារភាពថា ពួកគេទាំងអស់មកពីខេត្តសៀមរាបបន្ទាយមានជ័យ ពោធិសាត់ និង ខេត្តបាត់ដំបង ដោយមានបំណងឆ្លងចូលទៅរកការងារធ្វើនៅក្នុងខេត្ត ឈុនបុរី ប៉ាធុំថានី និងទីក្រុងបាងកក ប្រទេសថៃ ដោយម្នាក់ៗត្រូវចំណាយអោយមេខ្យល់ខ្មែរក្នុង១នាក់ ៣.០០០ បាត ជាមុនសិន…
